Pequeñas obras de reparación, mantenimiento y acondicionamiento en las vías y espacios públicos rurales de Pontevedra

Según los informes que constan en el expediente

Neste primeiro ano de prestación e atendendo só ás actividades de mantemento ordinario comprobouse que se está a sobrepasar o nivel de gasto previsto, acadando a certificación nº13 unha contía de 534.378,74€, excedendo en 79.378,74€ a previsión de gasto de 455.000€ en 13 meses de execución. Este desfase, en relación ao previsto, ben asociado ao incremento dos labores de mantemento previstos, e é que se incrementaron o número de actuacións, principalmente as relativas ás obras de drenaxe, e ás múltiples necesidades inmediatas de actuación debidas ás intensas choivas rexistradas nos meses de inverno, ademais mellorouse a eficiencia no tempo de resposta. O incremento no número de actuacións tamén é consecuencia das alteracións climatolóxicas que nos están sometendo a intensos períodos de seca seguidos doutros con choivas torrenciais, estas acusadas alteracións afectan notablemente, entre outras, aos firmes do viario municipal así como á estabilidade dos muros de contención máis antigos, cuxas reparacións resenten o orzamento inicialmente previsto. A modificación orzamentaria é imprescindible pois, de non aprobarse, o crédito dispoñible esgotarase previsiblemente entre os meses 19 e 20 do contrato, deixando 4 meses sen consignación suficiente para executar as obras precisas de mantemento no viario rural municipal. Por todos estes factores se acredita firmemente a necesidade de articular e dar forma á previsión do contrato, e modificar e ampliar o prezo do contrato ata o 20% previsto, de maneira que se poña a disposición para o resto do período de contrato a dispoñibilidade orzamentaria complementaria de 168.000,00€, consignada de forma uniforme ao longo do período entre o segundo semestre deste exercicio e a finalización do contrato.