Servicio de mantenimiento integral de la plataforma de administración electrónica del Ayuntamiento de Ponteareas.

PRIMEIRO. Declarar admitida a seguinte entidade licitadora: ESPUBLICO SERVICIOS PARA LA ADMINISTRACIÓN, S.A., con NIF A-50878842. SEGUNDO. Adxudicar o contrato do servizo de mantemento da plataforma de administración electrónica do Concello de Ponteareas á entidade ESPUBLICO SERVICIOS PARA LA ADMINISTRACIÓN, S.A. con NIF A-50878842., nos termos previstos nos pregos, no resultado da negociación desenvolvida e na oferta presentada, por un importe de 163.007,04 €, máis 34.231,48 € en concepto de IVE, o que supón un total de 197.238,52 € (IVE incluído). A adxudicación comprende igualmente os seguintes compromisos: Incremento de 6 prazas no Curso de Certificación de Usuarios Avanzados de Gestiona. Incremento de 6 prazas no Curso de Analiza de Gestiona. Incremento de 6 prazas no Curso de Analiza de Gestiona Developers. TERCEIRO. Dispoñer o gasto correspondente. CUARTO. Designar como responsable do contrato ao empregado municipal. QUINTO. Notificar a presente resolución á entidade adxudicataria, así como publicar o anuncio de adxudicación no perfil de contratante. SEXTO. O contrato perfeccionarase coa súa formalización. Ao tratarse dun contrato susceptible de recurso especial en materia de contratación, de conformidade co disposto nos artigos 44 e 153.3 da LCSP, a formalización non poderá efectuarse antes de que transcorran quince (15) días hábiles desde a remisión da notificación da presente resolución. Unha vez transcorrido o citado prazo sen recurso suspensivo, requirirase á entidade adxudicataria para formalizar o contrato no prazo máximo de cinco (5) días. A formalización publicarase no perfil de contratante.