Contrato para a prestación do servizo de xestión integral da Residencia de Artistas - Artistea de Ponteareas, por procedemento aberto

PRIMEIRO.- Asumir a motivación e a proposta formuladas pola Mesa de Contratación na súa sesión do 3 de setembro de 2026, recollidas na Acta nº 6, relativa ao exame e valoración da documentación presentada por INTER-ANIMA EVENTS, S.L. en cumprimento do requirimento de emenda efectuado en execución da Resolución nº 189/2026 do TACGal. SEGUNDO.- Considerar non acreditada por INTER-ANIMA EVENTS, S.L., con NIF B27443225, a solvencia técnica ou profesional esixida no apartado 10.2 do Cadro de Características do PCAP, polos motivos expostos na Acta nº 6 da Mesa de Contratación e reproducidos nos antecedentes da resolución. TERCEIRO.- Considerar que INTER-ANIMA EVENTS, S.L. non cumprimentou adecuadamente o requisito de solvencia técnica ou profesional necesario para resultar adxudicataria do contrato e, de conformidade co artigo 150.2 da LCSP e coa cláusula 21.2 do PCAP, ter por retirada a oferta presentada pola dita licitadora. CUARTO.- Declarar deserta a licitación do contrato para a prestación do servizo de xestión integral da Residencia de Artistas “Artistea” do Concello de Ponteareas, expediente 8097/2025, ao non existir ningunha proposición válida e admisible que permita a adxudicación do contrato. QUINTO.- Non impoñer a INTER-ANIMA EVENTS, S.L. a penalidade do 3 % do orzamento base de licitación, IVE excluído, prevista no artigo 150.2 da LCSP. SEXTO.- Declarar que non procede manter a garantía definitiva constituída por INTER-ANIMA EVENTS, S.L., por importe de 4.743,75 euros, dispoñendo a súa cancelación. SÉTIMO.- Publicar a resolución no perfil de contratante do Concello de Ponteareas. OITAVO.- Notificar a resolución ás entidades interesadas. NOVENO.- Dar traslado da resolución aos departamentos de Intervención e Tesourería. DÉCIMO.- Dar coñecemento da resolución ao Tribunal Administrativo de Contratación Pública da Comunidade Autónoma de Galicia, de conformidade co artigo 57.4 da LCSP, como actuación adoptada para dar cumprimento á Resolución nº 189/2026, do 13 de agosto de 2026.